म काे हु ? यसको कुनै उत्तर छ जस्तो त मलाइ लाग्दैन तर खोजिरहेको छु । सायद खोज्नु नै अर्थ पाउनु हो ।

म को हु यसको कुनै उत्तर छ जस्तो त मलाइ लाग्दैन । त्यसैले मलाई को हो ? भनेर प्रश्न नगर्दा नै वेश होला किनकी मलाई मै हु भनेर चिनाउने कुनै परिचय छैन ।यसमा म पनि अनुउत्तरित छु भने तपाई नअल्मलिने त कुरै भएनन् । केहि यस्ता व्यक्तिहरु छन् जो अरुले दिएको परिचयमा सिमित रहन सक्दैनन् । त्यसमा कुनै बिशेष “म” पक्कै लुकेको छु या छैन त्यो मेरो मेहनतमा भर पर्नेछ त्यसैले अहिले म को हु यसको कुनै उत्तर छ जस्तो मलाइ लाग्दैन तर पनि यसो सोच्ने प्रयास गर्छु मेरो बिशेष कुनै परिचय छ कि!वा  बिशेष कुनै परिचय बनाउन सक्छु कि  । 

मेरो नाम अन्जन - नामबाट नै स्पष्ट  छ । अन्जान जसको अर्थ हुन्छ परिचित अहिले त्यहि परिचय खोजीको दौडानमा छु। अन्जन यो नाम त मेरो मात्र होइन होला क्यारे जसको पनि त हुनसक्छ । यो संसारमा अन्जन नाम गरेका कति होलान कति ! सम्झिन सजिलो हुन्छ भनेर कुनै एक नाम दिएको होला, त्यसमा कुनै बिशेष “म” पक्कै लुकेको छैन ।

मेरो ठेगाना - एउटा गन्तव्यहिन यात्रामा हिडीरहेको यात्रु हु । हिजो कुनै बेला रुकुमको दुली गा.बि.स भन्ने ठाउँमा थिए। अहिले त्यो पनि परिवर्तन भएर बाँफिकोट गाउपलीका भएछ।  रुकुम हुदै कोहलपुर पुगे कोहलपुर हुदै काठमाण्डौ, काठमाडौँमा पनि कहिले सामाखुसी , कहिले टोखा, कहिले कीर्तिपुर त कहिले बसुन्धरा अब काठमाण्डौ  बाट कताको यात्रा तय हुन्छ निश्चित छैन म त हावा जस्तै बहि हिड्ने  मान्छे, हावाको पनि घर ठेगाना हुन्छ र ? त्यसैले यसले पनि मेरो परिचय निर्धारण गर्न सक्दैन  ?
मेरो सपना - आज एउटा सपना देखिन्छ भोलि अर्कै सपना हुन्छ अनि पर्सि अर्कै के यस्तो सपनालाई मेरो सपना र परिचय हो भन्नु  मलाई लाग्छ सपना त्यो होइन जुन निद्रामा देखिन्छ सपना त त्यो हो जसले निद्रा नै लाग्न दिदैन त्यसैले दिउसै देखिने सपनाको पनि के भरोसा ?
मेरो पेसा  – यो पनि मेरो पहिचान हुनै सक्दैन – त्यो मेरो पदमा हिजो अर्कै थियो, भोलि अर्कै आउने छ । क्षणिक परिचय दिएर के गर्ने ? भोलि बिहान उठ्दा त्यो पेसा र पदमा त अर्कै मान्छे हुनेछ, अनि झुटो बोल्यो भन्नुहोला फेरि यो  एक दिनको पनि के परिचय।

मेरो शैक्षिक योग्यता – त्यस्ता ओभरसियर सर्टिफिकेट पनि त लाखौँसंग होला । अब ओभरसियर कसरि मेरो परिचय हो भन्नु?

तस्विरमा देखिने म  – त्यो पनि कहिले कस्तो, कहिले कस्तो देखिन्छ। यो सब त क्यामेरामा भरपर्छ आज मैले म यो हो भनेर चिनाउने छु भोलि त्यो तस्बिर परिवर्तन हुन्छ। अर्को कुरा तपाइलाई थाहा नै होला क्यामेराले चित्र मात्र खिच्छ चरित्र खिच्दैन अब तपाई आफै भनुहोस त चित्रमा देखिने म ले मेरो परिचय कसरी गराउन सक्छ अनि आजकलका तस्विरहरुको के कुरा ? कम्प्युटरले गर्दा सबै ब्राड पिट । कहिले त आफैले आफैलाई चिन्न गार्हो पर्छ। भने तपाइले कसरी चिन्नुहुन्छ ?

मेरो सोचं – त्यो पनि बिहान खुशीको बहार हुन्छ, साझं दुखको बर्षा । कहिलेकाहिँ त एक दिन एउटा ब्लग लेखेर पोस्ट गर्छु अनि अर्को दिन ‘धत् त्यस्तो किन सोचेछु’  भनेर दंग हुन्छु – त्यस्तो सोचको के बिश्वास गर्नु ? मैले नै बिश्वास नगरेपछि तपाइँले त गर्ने कुरै भएन ।

त्यसो भए म को त?

सिधा उत्तर – अहिले सम्म त्यहीं चिन्ने प्रयास गर्दै छु ।

यसलाई सरल तरिकाले भन्नु पर्दा……..  ‘म साधारण मान्छे । होइन क्या रे, केहि असाधारण गुणहरु पनि छन् ।’  राम्रा कि नराम्रा ? – त्यो त भन्न सक्दिन, तर ति अलि फरक छन् अरु भन्दा | तर, ति पनि परिवर्तनशिल छन, समय संगै, अनि परिस्थिति संगै |

सबैले भन्ने गरे जस्तै ‘म एक नेपाली, देशप्रेमी युवा’….. ए, त्यो पनि अलि मिलेन जस्तो छ, म अहिले नेपालको काठमाडौं सहरमा छु, त्यो भानीरहन नमिल्ला । अनि  देश प्रेम??… कस्तो गर्हुङ्गो शब्द, मैले बोक्न सक्छु होला? ….  सोच्नै पर्छ । कुनै दिन उत्तर निस्कियो भने भन्छु है ।

जन्मिसकेपछि  केहि चाँही  गर्नु पर्छ है भन्ने सोचं  भने पक्कै छ ।  आफ्नो लागि? ‘होइन’ ………. बाँच्न  त कमिला पनि बाँचेको छ  नि – ‘अरुका लागि’। हामीले देख्नेका हरेक  चीजको कुनै न कुनै अर्थ छ, दिन चर्यामा केहि न केहि रुपमा ति सबै काममा आएकै हुन्छन । आएनन भने हामी के गर्छौं,… त्यो मैले भन्नु नपर्ला ।

 शब्दमा धेरै ताकत हुन्छ , Struggle गरिरहेको कुनै व्यक्तिलाई तपाइको प्रोत्साहन ले उसलाई अझ हौसला दिन्छ। उसलाई माथी उठाउन मदत गर्छ त्यसैले तपाईं हमेशा सावधान हुनुस तपाईं के गरिरहनुभएको छ कसैको पनि नकारात्मक प्रतिक्रिया सुनेर आफुभित्र को उत्साह र हौसलाई नतोड्नुहोस । आफ्नो आशालाई बाहिर को हल्लाले कुन्ठित हुन नदिनहोस, हमेशा समस्याबाट गुज्रीरहेको व्यक्तिको लागि उत्साहबर्द्धक शब्द नै प्रयोग गर्नुहोस किनकी यसले त्यसलाई मुश्किलहरुसित लड्नको लागि हिम्मत मिल्नेछ  र सकारात्मक सोचको साथ नयाँ संचार Communication भएर हिम्मत को साथ खडा हुन्छ र सबै मुश्किलहरुलाई डटेर सामना गर्न सक्छ

आज दुनियालाई यस्तो मान्छेको आवश्यकता छ जसले यो दुनियालाई बदल्न सक्छ , तपाईं पनि त्यो गर्न सक्नुहुन्छ ! यदि तपाइले आफुलाई यसको योग्य सम्झिनुहुन्न भने अलिकती सोच्नुस , यदि तपाईं होइन भने को ? अहिले होइन भने कहिले ? जेसुकै होस तपाइले यसलाइ गर्न सक्नुहुन्छ ,अहिले देखि नै शुरु हुनुस "

जुन चिजले हामीलाई"*Challenge*" गर्छ ,त्यहि चिजले हामीलाई "*Change "* गर्न सक्छ ,जुन कुराले हामीलाई "* Weak"* बनाएको छ , त्यही कुराले हामीलाई "*Strong "* बनाउन सक्छ ,,ईतिहास उसैले रच्दछ जो जिद्दी छ , एकशुत्रीय कुरामा अटल हुन्छ , एक दुई पटक को Rejection मा भाग्दैन, हजार पटक रिजेक्सन हुन सक्छ ,स्मरण रहोस :- Success is 99% Failure ," एक प्रतिशत सफलता उनान्सय प्रतिशत असफलता को परीणाम हो प्राय : मान्छेहरु जोखिम बाट भाग्नको लागि " Back up plan " बनाउछन । पछाडी फर्किने सारा बाटोहरु जलाइदिनुहोस लक्ष्य प्राप्त गर्ने समय मा आउने मुश्किल र प्रतिकुल अवस्थामा 

 " ब्याक अप प्लान " तपाईंको सबैभन्दा ठूलो कमजोरी बनेर तपाइलाई लक्ष्यबाट भट्काउन को लागि मजबुर गर्दछ ।   बिच बाटो बाट फर्किनुको कुनै फाइदा हुदैन किनकी फर्किदा पनि तपाइले त्यति नै दुरी पार गर्नुपर्ने हुन्छ जति दुरी त्यहा पुग्नलाई लाग्छ । जो व्यक्तिले वास्तव मै आफ्नो " उद्धेश्य " हासिल गर्न चाहन्छ भने उनिहरुसित कुनै पनि प्रकार को " ब्याक अप प्लान " हुदैन । सच्चा लिडर्स को लक्ष्य अटल हुन्छ र उसले पछाडी हट्ने सारा बाटो जलाइदिन्छ । त्यसैले कठिन परीस्थिती आउदा तपाइले  बाटो बदल्ने अवस्था आउन सक्छ तर  लक्ष्य होइन ।

"परिस्थितिहरु कहिल्यै पनि समस्या बन्दैन ,समस्या यसकारणले बन्दछन किनकी हामीलाई त्यो परीस्थितिसित लड्न आउदैन । उठ्नुस तपाईं नउठे उठेकाहरुले तपाइलाई कुल्चेर अगाडि बढ्नेछन । उनिहरु लक्ष्यसम्म पुग्नेछन । तपाईं आजन्म शोषित हुनुहुनेछ , पिडित हुनुहुनेछ आफ्नै कुरुप विचार र भावना बाट ... उफ ! कस्तो विडम्बनापुर्ण जिन्दगीको प्रहार ? बाहिरबाट पनि भित्रबाट पनि । कोहि तपाइको पराजयको कहानी प्रयोग गरी असल कथाकार बन्छ , कोहि तपाइको दयनिय वृत्तान्तको नक्कल गर्ने मान्छे सफल एवम सभ्रान्त कलाकार बन्छ । तपाइको खुट्टा पनि अरुलाई जुत्ता बेची धनी बन्ने माध्यम बन्छ । यसबिच तपाइलाई लाग्ने स्वास्थ्य तथा मानसिक रोग को समेत स्वास्थ्य व्यवसायिहरुको लागि धन कमाउने कच्चा पदार्थ बन्न जान्छ । त्यसैले तपाइ उठ्नैपर्छ अन्यथा उठेकाहरुले तपाइलाई कुल्चेर अगाडि बढ्नेछन ।

म पनि मेरो जीवनको अर्थ खोज्दै हिडीरहेको छु ? मेरो जीवनको अर्थ? – ‘त्यो खोज्दै छु ।’ जीवनको अर्थ भेटिदैन…..  त्यो सबलाई थाहा छ । तर खोजीरहेको छु, सायद  खोज्नु नै अर्थ पाउनु हो – त्यसैले खोजीरहने छु पनि ।

अब गफ बढी भो, आफैलाई झ्याउ लागि सक्यो । पढ्ने मान्छेलाइ कति दिक्क लाग्छ होला ! कतिले “तँ, जोसुकै होस्” भनेर कम्प्युटर नै बन्द पनि गर्नु भयो होला । फेरि कम्प्युटर भने कि क्या हो … कम्प्युटर नै त होइन होला, मेरो साइट मात्र होला नि ।

अब सिधा-सिधा नाम, थर, ठेगाना, काम गर्ने ठाउँ, मोबाइल नम्बर सब दिन्छु है ।

‘ए…… मोबाइल पनि दिन्छु भने कि क्या हो?’ दिन्न भो – राती-राती मिसकल आयो भने निद्रा बिग्रन्छ, ….. अनि भोलि कलेजमा  दिनभर झुल्नु पर्छ  । बरु इमेल गर्नुस है, भोलि बिहान उठेर रिप्लाई गर्छु नि हुन्न  |

म लगभग दिनको १०-१२ घण्टा जति कम्प्युटर मै बिताउछु । पेशा – यहिँ कम्प्युटर नै हो । काठमाडौंको टोखा रोडमा रहेको के.अा.टी.इन्जिनियरिंग कलेजमा पढ्ने  गर्छु । अलि लामो बिदा भो भने घुम्न निस्कन्छु ।

मेरो बारेमा अरु थप जान्न मन लागे मलाइ सोसियल मिडियामा फलो गर्न सक्नुहुन्छ, वा सिधै kcanjan2015@gmail.com मा इमेल पनि गर्न सक्नुहुन्छ । केहि सार्वजनिक रुपमै सोध्न मिल्ने प्रश्न छन् भने यहि कमेन्ट बक्समा लेखे पनि फरक नपर्ला । - धन्यवाद !!!!!